Gjykata e Shkodrës ka dhënë sot masën e sigurisë për anëtarët e një prej klaneve më të njohur në qytet, atë të Bajrave.
Seanca u zhvillua nën masa të rrepta sigurie dhe me dyer të mbyllura.
Kështu, mësohet se është dhënë masa ‘arrest me burg’ për Safet Bajri, Ilir Bajri, Behar Bajri, Astmer Bilali, Sirian Aliajn dhe Emrah Palkun.
Ndërsa infermierja 32-vjecare Jonida Murati është lënë në arrest shtëpie.
Kjo e fundit ishte e punësuar fiktivisht si infermiere në Spitalin Rajonal të Shkodrës.
Gjithashtu gjykata ka vendosur masën ‘detyrim paraqitje’ për mjekun Senad Hallunaj, financieren e spitalit Mira Nikaj dhe kryeinfermieren Florine Hoxhaj.
