Pedagogia e njohur Iris Luarasi bie gjithmonë në sy për pamjen e saj të kuruar deri në detaje.
Sidomos miku i saj më i mirë në Make Up, është buzëkuqi.
Ajo gjithnjë nuk harron ti lyejë buzët, madje ka deklaruar se edhe në ceremonitë mortore nuk harron, duke vendosur një ngjyrë të lehtë, për të respektuar kështu personin që është larguar.
“Kemi një problem sepse fjala buzëkuq ka në togfjalëshin e vet dhe pjesën e kuq, por buzëkuqi mund të jetë i një ngjyre tjetër dhe unë sigurisht mendoj që do ishte absolutisht e tepruar, që ti të shkoje me buzë si këto të miat në një ceremoni mortore.
Qoftë edhe në rastin kur, ai që ka ndërruar jetë nuk është i afërmi jot, edhe në shumicën e rasteve të ndodh që nuk e ke njohur më përpara. Unë po them që buzëkuqi është shenjë e seriozitetit, por nuk domethënë që ti duhet të vësh buzë të kuqe flakë në një ceremoni mortore, se ndonjëherë kam idenë është kqkuptuar kjo si shprehje, por që vjen nga fjalë buzëkuq dhe unë nuk mund ta quaj buzëzi”, shprehet Irisi.
Madje ajo deklaron gjithashtu se edhe kur i ka ndërruar jetë vjehrra, ose sic e thërret ajo ‘nëna’, ajo i ka lyer buzët por me ngjyrë shumë të errët.
“Baboja, se kështu i thërriste ajo të shoqit për shkak të fëmijëve, më donte shumë dhe më blinte gjithmonë manikyr dhe buzëkuq. Ai më donte të më shikonte kështu dhe unë për hir të kujtimit të tij, i kam bërë këto gjëra. Edhe unë e besoj shumë dhe mendoja se kjo ishte një mënyrë shumë e bukur për ta kujtuar dhe për t’i thënë faleminderit për gjithë gjërat e bukura që kisha mësuar nga ajo. Kur ndërroi jetë nëna, patjetër që kisha buzëkuq, sigurisht jo të kuq, një gjë shumë të errët, duke menduar atë, atë ditë”, u shpreh pedagogia.
