E rëndë/ Ishte i apasionuar pas motorrave, shuhet në aksident shqiptari në SHBA (EMRI)

Një ngjarje e përmasave tragjike është ajo që ka ndodhur në New Jersey të SHBA.

Mësohet se një 52-vjeçar shqiptar ka humbur jetën në një aksident rrugor ditën e hënë.

Ai u identifikuar si Nuri Kaloshi.

Viktima ishte duke drejtuar motorin e tij tip “Kawasaki”, në rrugën Franklin, kur u godit nga një kamion që mblidhte mbeturinat.

Lajmi tronditës u konfirmuar dhe nga autoritetet e qarkut të Bergen në SHBA.

Ata bëjnë me dije se Nuri Kaloshi u dërgua në Qendrën Mjekësore Universitare Hackensack, ku dhe u deklarua i vdekur.

Mirëpo një detaj tjetër tronditës i shtohet këtij lajmi, ku mësohet se viktima kishte përcjellë për në banesën e fundit dy javë më parë nënën e tij.

Kaloshi ishte i apasionuar pas motorrave, ndërsa shoferi  që shkaktoi aksidentin ka bashkëpunuar me policinë duke qëndruar në vendin e ngjarjes.

Drejtuesi 51-vjeçar i kamionit duhet të përballet me Gjykatën për “drejtim mjeti të pakujdesshëm” dhe “mosrespektim i sinjalistikës rrugore”.