A do të marrë Rama një mandat të tretë? Berisha vë bastin e madh në studio

Ish-kryeministri Sali Berisha së fundmi ka folur për situatën politike që po kalon vendi ynë.

Sipas tij, Edi Rama është duke përdorur fatkeqësinë e tërmetit që goditi Shqipërinë në shërbim të pushtetit të vetë për mandatin e tretë, për të cilin u shpreh se nuk do ta fitojë kurrë.

I ftuar në programin “Tempora”, Berisha vuri edhe bast për të ardhmen politike të Ramës.

“Ky e tregoi që dje, duke shkelmuar mbi mjerimin e atyre njerëzve, Rama mendon se siguroi mandatin e tretë. Rama edhe në hënë po të shkojë mandat të tretë nuk merr më, është i djegur”, theksoi Berisha.

Gjithashtu ish-kryeministri komentoi edhe deklaratën e Komisionerit të Zgjerimit se nuk do të tolerohet korrupsioni përsa i përket donacioneve që u dhanë në lidhje me tërmetin.

Berisha deklaroi se këto fjalë të komisionerit shkojnë në linjë të plotë me destinacionin e parave të qeverisë në SHBA.

“Ti varësh ujkut në qafë mëlçitë e qingjit bën mëkatin më të madh dhe ata e dinë se çfarë hajdutësh ndërkombëtarë janë këta. Për ne është lajm shumë i mirë”.

Pra Berisha shtoi se Rama po tallet me qytetarët që u prekën nga tërmeti.

Ai shtoi se nëse do të ishte vetë kryeministër, ër dy vite me fondet e buxhetit të shtetit dhe grantet nga donacionet ndërkombëtare do të zhdukte çdo gjurmë të mbetur nga tërmeti shkatërrimtar.

Sipas tij, Rama nuk ka akorduar asnjë fond nga buxheti dhe në të tillë situatë do të duhet 10 vjet që ato familje të strehohen në mos ky proces do të zgjasë pambarimisht.

“Kur i kam dëgjuar këta që thonë do të kemi 450 milion euro grante e kam quajtur të tepruar. Problemi është kur do të kryhen. Sipas kësaj që kuptoj unë do të duhen vite e vite për tu zbatuar në terren.

Një mijë herë mirënjohje për të gjitha ndihmat por absolutisht do të angazhoja dy vite buxhetin e shtetit. Ka pasur një vit që vetëm në rrugë janë angazhuar 850 milion euro. Ndodhi kjo fatkeqësi e madhe unë  për dy vite pa asnjë kokëdhimbje me buxhetin dhe këto grante gjurmë tërmeti më nuk do të kishte.

Ky i ka dhënë vetëm 1 milion euro një hoteli në Kavajë, 63 mijë euro për viktimat, vrasje shterërore të mirëfillta dhe ka dhënë 15% të atyre që kanë nevojë të famshme bonuse që nuk gjen dot asnjë kthim me atë që ka dhënë ky dhe nuk ka dhënë asgjë tjetër nga buxheti. E kam denoncuar si cinike dhe tallje gjendjen e tij të jashtëzakonshme”.

Sepse nëse shpall gjendjen e jashtëzakonshme pa fondin për gjendjen e jashtëzakonshme kjo është vetëm tallje. Nuk ka ndërmend të angazhojë buxhetin dhe pa buxhet kjo çështje zgjat 8-10 vjet për të mos thënë që nuk zgjidhet fare”, deklaroi Sali Berisha.