Dy gazetarët e njohur në Shqipëri Muhamed Veliu dhe Artan Hoxha kanë paralajmëruar se do të bëjnë një vizitë në Angli. Në një foto të publikuar në profilin e tij në Instagram, Veliu shkruan se i pret një punë mjaft e madhe dhe intervista në Angli, pas asaj që u bë në Ekuador me bossin e kokainë Gramoz Rexhepin.
“Pas intervistes nga Ekuadori nisemi per Angli. Shume pune dhe intervista na presin atje me Tanin,”- shkruan Veliu krahas fotos.
Artan Hoxha ka publikuar së fundmi dy pjesë interviste me Gramoz Rexhepin, i cili akuzohet se qëndron në krye të pengmarrjes dhe vrasjes së Jani Prengës. Gjatë rrëfimit, Rexhepi ka mohuar të ketë lidhje me këtë ngjarje, dhe u ka bërë thirrje autorëve të vërtetë që të tregojnë se ku e kanë fshehur trupin e 49-vjeçarit. Gjithashtu gjatë intervistës, Rexhepi që ndodhet në burgun e Quitos, tregon për ëndrrat e mbetura përgjysmë në lidhje me diplomimin në degën e juridikut.
Tashmë që dy gazetarët po nisen drejt Anglisë, ajo që na vjen ndërmend është fakti se vëllezërit e Prengës ndodhen në Angli. Mos ndoshta rrëfimi i rradhës do të jetë ai i Astrit Prengës, vëllait të Janit që akuzohet se vodhi 260 kilogram kokainë bashkë me shokun e tij, Gëzim Shullanin, të njohur si Xhulian dhe një rumun. Pikërisht kjo drogë solli rrëmbimin e Jani Prengës dhe më pas vrasjen e tij./dosja.al
