“Zogu” me shit-blerje votash? Murrizi: Ka mbledhur vota sa një mandat deputeti

Nënkryetari i Kuvendit, Myslim Murrizi risolli në vëmendje fenomenin e shit-blerjes së votës gjatë zgjedhjeve të zhvilluara duke përmendur edhe përgjimin e Hermes Nikaj i cilit i kërkohej të shkonte bashkë me disa njerëz të tij për të votuar dhe në këmbim do të merrte para.

I ftuar në studion e ’45 minuta’ në Report Tv, ka ironizuar përgjimet e publikuara për Hermes Nikajn, i njohur gjithashtu si “Zogu i Tiranës”.

“Këta rastësisht përgjuan ‘Zogun e Tiranës’. E pe ti? Zogjtë të një rrace janë. Kur del Zogu që ka dorë tek votat e imagjinon dot t’i se çfarë bëhet këtu. Zogu ka dhënë një mandat Zogu. Listat e hapura politike i kanë kundërshtuar ata që nuk kanë në telefon më shumë se katër numra, të shoferit, të ndonjë mikeshe që mund të dalë tani te Zogu i Tiranës e dy të tjerë. Zogu ka mbledhur vota sa për një mandat deputeti,”– deklaroi ndër të tjera Murrizi.