Shqipëria nuk gjen qetësi nga lëkundjet e tërmetit, ja sa u regjistruan gjatë natës

Gjatë natës që sapo lamë pas janë regjistruar 11 lëkundje të tjera tërmeti.

IGJEUM bën me dije se epiqendra ka qenë në Korçë dhe në Kepin e Rodonit.

Magnituda ka shkuar deri në 3.4 ballë.

Lëkundja e fundit është regjistruar në orën 05:50, me epiqendër detin Adriatik me magnitudë 2.5 ballë.

Në orën 5 e 25 në Korçë lëkundja e regjistruar ka qenë me magnitudë 2.1.

Lëkundja me magnitudën më të madhe gjatë natës së sotme është regjistruar në orën 2:13 në Korçë, me madhësi 3.4 ballë.