“Po iki nga Shqipëria” aktivisti merr vendim, ndërhyn Basha: Nuk është zgjidhje, të ftoj të takohemi

Në Shqipëri tashmë është bërë e zakonshme që njerëz të ndryshëm të largohen për të gjetur një zgjidhje e për ta bërë jetën e tyre më të mirë jashtë kufinjve të vendit.

Së fundmi edhe aktivisti Robert Skëndo ka bërë me dije se do të ikë nga Shqipqëria përgjithmonë, dhe ndihet i trishtuar për këtë fakt pasi i vetëm nuk mund të bëjë asgjë.

Por në këtë status të tij, si rrallëherë më parë ka ndërhyrë edhe kryetari i Partisë Demokratike Lulzim Basha duke i replikuar aktivistit në rrjetet sociale se ikja nuk është zgjidhje pasi duhet luftuar për Shqipërinë, dhe më pas e ka ftuar në takim.

STATUSI I ROBERT SKËNDOS

”Po e lë Shqipërinë së shpejti, një ike e përhershme. Është e qartë për mua që unë nuk ndaj të njëjtat vlera si mazhoranca e qytetarëve në Shqipëri. Do të doja të luftoja që gjërat të bëheshin më mirë, por s’mund t’i bëj vetëm. Më vjen keq që jam një tjetër statistikë e trashëgimisë së lidershipit të keq politik.

KOMENTI I LULZIM BASHËS

“Robert, ikja nuk është zgjidhje! Bashkë duhet të luftojmë për vendin. Për Shqipërinë tonë. Kjo është arsyeja pse u ktheva dhe unë, pikërisht për këtë! Mos u largo. Le të bashkojmë forcat në këtë betejë për Shqipërinë! Të ftoj të takohemi!”