Pas takimit në Berlin të kryeministrit Edi Rama dhe kancelares gjermane Angela Merkel, ka ardhur dhe reagimi i presidentit Ilir Meta.
Meta ka përshëndetur angazhimin e Merkelit për hapjen e negociatave mes Shqipërisë dhe Bashkimit Europian.
Mirëpo Kreu i Shtetit i ka habitur të gjithë me postimin e tij në rrjetet sociale.
Ai ka publikuar një foto mes kancelares dhe kryeministrit Rama.
Edhe pse në fillim ky duket si mesazh paqeje mes të dvve, presidenti nuk harron ti kujtojë Ramës edhe një detaj të fortë: 9 kushtet e Bundestagut.
‘Përshëndes angazhimin e përsëritur të Kancelares Angela Merkel për çeljen e negociatave të anëtarësimit ndërmjet Shqipërisë dhe Bashkimit Europian. Zbatimi i 9 kushteve të Bundestagut me rezultate të prekshme dhe të qëndrueshme, janë harta më e sigurt e rrugës europiane të Shqipërisë’, shkruan Meta krahas fotos.
