LIGJET E BIZNESIT
Ajo është një nga dosjet më të bujshme të drejtësisë shqiptare.
Bëhet fjalë për dosjen “184”, që lidhet me çështjen e vjedhjes së votave në zgjedhjet e Dibrës, e cila do të hetohet tashmë nga Prokuroria e Posacme, apo SPAK.
Lajmin e ka njoftuar Prokuroria, pas kërkesës së Partisë Demokratike se në çfarë faze hetimi kishte shkuar ky proces i rëndësishëm.
Çështja ishte nën hetim nga Prokuroria e Krimeve të Rënda, por, nën ndikimin e Donika Prelës dhe Arta Markut, kjo prokurori shpalli moskompetencën në korrik dhe, pak kohë para ngritjes së SPAK-ut, ia çoi dosjen prokurorisë së Dibrës.
Nga ana tjetër, sekretari i Përgjithshëm i Partisë Demokratike Gazment Bardhi, ka kërkuar zyrtarisht më 15 janar të njihej me gjetjeter dosjes dhe kërkoi që kjo t’i kalonte SPAK.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Burime zyrtare pranë prokurorisë pohojnë se kjo kërkesë është pranuar dhe Prokuroria e Dibrës ka vendosur shpalljen e moskompetencës, duke ia kaluar çështjen për hetim Prokurorisë së Posaçme SPAK.
Pjesë e kësaj dosje “të nxehtë” janë emra të njohur të cilët dolën dhe në publikimet e BILD.
Ata janë kryeministri Edi Rama, Damian Gjiknuri, Ulsi Manja, Pjerin Ndreu dhe të tjerë zyrtarë me emër në PS.
