Ditën e sotme, Partia socialiste ka mbledhur Grupin Parlamentar pak para nisjes së seancës plenare, e cila nisi sot sezonin e ri parlamentar.
Bëhet e ditur se në mbledhje ka munguar Kryeministri dhe kryetari i PS, Edi Rama, ndërsa mësohet se drejtimi është bërë nga Taulant Balla.
Mbledhja ka qenë e shkurtër dhe mësohet se është vendosur që Milva Ikonomi, të zëvendësoje Arben Ahmetajn në krye të Komisionit të Ekonomisë.
Ahmetaj mbante detyrën e kryetarit të Komisionit Parlamentar, prej një viti, por tashmë është emëruar Ministër për Rindërtimin pas tragjedisë së tërmetit të 26 nëntorit 2019.
