I shpallur në kërkim nga Policia, ish-kreu i ALUIZN-it bën homazhe nga arratia për mikun e tij

Policia e Shtetit ka shpallur në kërkim ish-drejtorin e ALUIZNI-t të Durrësi, Flamur Gjuzin për dëmet e tërmetit të 26 nëntorit. Ndonëse në arrati, ai ka bërë homazhe nga arratia për ndarjen nga jeta e mikut të tij të ngushtë.

Flamur Gjuzi shkruan në faqen e tij të Facebook se u përcoll në banesën e fundit miku dhe vëllai i tij, Ilir Tanko.

Në mesazhin e tij ish kreu i ALUIZNI-t i kërkon ndjesë që nuk ishte personalisht ti japë lamtumirën fundit, por shton se “ky është realiteti me të cilin jetojmë në këtë botë”.

Postimi i plotë:

Zoti po merr të mirët.

Pas Gencit sot u përcoll në banesën e fundit shoku, miku, vëllai tjetër i imi, Ilir Tanko. Më fal që nuk mund të isha pranë të të thosha lamtumirë sot, por ja që ky është realiteti në këtë botë që jetojmë.

Lamtumirë Ilir, Ilirjan Tanko, në zemrën e të gjithë miqve që të deshën vërtetë do të jetosh përgjithmonë. Qofsh i xhenetit vëllai im.