LIGJET E BIZNESIT
Kryeministri Edi Rama ka nisur udhëtimin e tij me avion drejt Berlinit, për të takuar kancelaren gjermane Angela Merkel.
Ky takim vjen në fokus të programit të Rindërtimit pas tërmetit tragjik 6.4 ballë që goditi Shqipërinë 2 muaj më parë, mëngjesin e 26 nëntorit.
Lajmin e ka bërë me dije vetë Rama, duke theksuar se në Berlin do të ketë një takim me Merkelin enkas për këtë çështje ndërsa pritet të marrë edhe qëndrimin e saj rreth Konferencës së Donatorëve e cila do të zhvillohet në Bruksel më 17 shkurt të këtij viti.
“Për në Berlin për takimin me Kancelaren Merkel, enkas për Programin e Rindërtimit në vigjilje të Konferencës së Donatorëve, që do të mbahet në Bruksel më 17 shkurt”, shkruan Rama krahas fotos në të cilën shfaqet i menduar dhe duke parë nga dritarja e avionit.
