E bujshme/ U përjashtua nga PS, deputeti ‘rebel’ i bashkohet LSI

Një lëvizje e bujshme ka ndodhur së fundmi në politikën shqiptare.

Mësohet se deputeti Gjetan Gjetani, pas përjashtimit nga PS, i është bashkuar Lëvizjes Socialiste për Integrim.

Ditën e djeshme ai ka marrë pjesë në takimin e strukturave të LSI në Lezhë.

Deputeti Gjetani e fitoi mandatin e deputetit me siglën e Partisë Socialiste, por pas qëndrimeve kritike ndaj strukturave lokale të PS, ai u përjashtua zyrtarisht nga Grupi Parlamentar i PS-së. Ai ka qëndruar këto kohë në Kuvend si deputet i pavarur, duke votuar në shumë raste projektligjet e maxhorancës.

Përjashtimi i Gjetanit u kërkua nga vetë kryeministri Rama, i cili i kërkoi Asamblesë së PS të merrte masa kundër deputetit, i cili më pas e vazhdoi detyrën si i pavarur.

Në aktivitetin e djeshëm të LSI-së, kanë rënë në sy dhe disa figura të tjera lokale të PS-së, të cilët e kanë braktisur këtë forcë politike për t’iu bashkuar Lëvizjes Socialiste për Integrim.

Mësohet se me Lëvizjen Socialiste për Integrim janë bashkuar dhe Agustim Marku, ish-kreu i PS-së së Lezhës, po ashtu në fotografitë zyrtare ka rënë në sy edhe prania e ish-kryetarit të PS-së së Shëngjinit,Zef Mosheqaj.

AGUSTIN MARKU

ZEF MOSHEQAJ