LIGJET E BIZNESIT
Një ngjare tronditëse është shënuar pak më parë në zonën e Astirit. Sipas informacioneve paraprake, mësohet se Vilson Tafçiu 28-vjeç, është personi që ka mbetur i vrarë me armë zjarri mbrëmjen e sotme në orën 20.30 në një lokal në zonën e Astirit në Tiranë.
Mësohet se viktima ka qenë i shoqëruar në një lokal në rrugën Teodor Keko, kur është thirrur nga autorët për të dalë jashtë, ku dhe është qëlluar për vdekje nga persona, identiteti i të cilëve nuk dihet.
Sipas burimeve, viktima ka qenë i deportuar në vitin 2018 nga Franca për trafik droge disa kohë më parë.
Informacion paraprak nga Policia:
Rreth orës 20.45, në Astir, në një rrugicë, në afërsi të një lokali, në rrethana ende të paqarta është plagosur me armë zjarri shtetasi V.T, rreth 28 vjeç, i cili më pas ka gjetur vdekjen.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Menjëherë në vendngjarje kanë shkuar shërbimet e Policisë, të cilat kanë bërë rrethimin e zonës në një perimetër të gjerë.
Janë ngritur pika kontrolli në të gjitha akset rrugore si dhe vijon puna nga grupi hetimor për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve.
