Deportimi i mësuesit turk, AP: Po shqyrtojmë rastin…

Deportimi nga Shqipëria i Harun Çelik ka sjellë dhe një herë në vëmendje, debatin për gylenistët, por dhe për të drejtat e njeriut. Avokati i mësuesit turk, të deportuar në ditën e parë të 2020, Alban Bengasi, është shprehur se me klientin e tij janë shkelur të gjitha procedurat dhe se dëbimi nga vendi është i paligjshëm.

Për këtë rast ka ardhur një reagim dhe nga Avokati i Popullit. Zyra e shtypit të institucionit në një reagim për News24  ka shpejguar se po punohet për këtë rast dhe po mblidhen të gjitha dokumentacionet për të parë nëse veprimet ndaj shtetasit turk kanë qenë ose jo konform ligjit dhe nëse janë shkelur të drejtat e njeriut.