Personi që shihni në foto është Jak Prenga, babai i 5 fëmijëve, i cili u rrëmbye dhe më pas u rrah për vdekje, më 17 janar në zonën e Kamzës.
49-vjeçari humbi jetën rrugës, teksa rrëmbyesit po e dërgonin për në restortin “Golden” në Shijak.
Viktima dyshohet se u mor peng për shkak se vëllai i tij nuk kishte dorëzuar te porositësit e drogës një sasi prej 60 kilogramë drogë të llojit kokainë.
Policia e Shtetit ka konfirmuar vdekjen e Prengës, ndërkohë bën me dije se trupi i tij i pajetë nuk është gjetur ende.
Kujtojmë se një operacion i koduar “Resorti” u zhvillua dje në resortin luksoz “Golden” në Shijak.
Policia ka ndaluar dhe të dyshuarit kryesorë për rrëmbimin e Jak Prengës, i cili do të mbahej peng në këtë resort.
Rrëmbimi i Prengës ka ndodhur si pasojë e një konflikti që një nga vëllezërit e viktimës ka pasur me pengmarrësit, si pasojë e prishjes së disa pazareve të drogës në Britaninë e Madhe.
Të ndaluarit nga policia janë: Leonard Hajrin dhe babai i tij Bajram Hajri, dhe kushëriri, Elton Hajri, respektivisht 32, 35 dhe 64 vjeç dhe 36-vjeçari Olsi Turja, të gjithë banues në Shijak.
Mbi ta do të rëndojë akuza e “rrëmbimit të personit”, “fshehja e kufomës”, “Moskallëzim krimi” dhe “Pengim i zbardhjes së të vërtetës”.
