Efektivët e Forcave Speciale RENEA dhe FNSH prej ditës së djeshme po vijojnë kontrollet të shumta në qytet dhe në fshatrat përreth.
Nga informacionet paraprake, mësohet se aksioni po zhvillohet për të kapur personat me precedent penal që janë në listën e të kërkuarve.
Efektivë të drejtorisë vendore të policisë, forcat RENEA dhe FNSH kanë ushtruar kontrolle të mjeteve në qytet, në dalje të qytetit.
Sipas burimeve, kontrollet janë përqëndruar në akset rrugore kryesore si rruga Transballkanike, Bulevardi i ri i Vlorës apo dhe Lungomare. Gjithashtu, mesditën e sotme forcat speciale kanë qenë në Selenicë, ku kanë bërë një krehje të zonës dhe janë pozicionuar në hyrje dhe në dalje të fshatit, duke kontrolluar automjetet e zonës.
