Dhuroi 1 milionë euro për të prekurit nga tërmeti, Meta pret Behgjet Pacollin: E falenderova për ndihmën

Sot presidenti Ilir Meta ka pritur në takim zv.kryeministrin në detyrë të Kosovës, Behgjet Pacollin.

Pacolli, një biznesmen i suksesshëm prej vitesh tashmë, do të realizojë projektin për rindërtimin e banesave në Thumanë të cilat u dëmtuan nga tërmeti i 26 nëntorit.

“E falenderova me mirënjohje për ndihmën e tij financiare prej rreth 1 milion euro, për tejkalimin e pasojave të rënda të tërmetit të 26 nëntorit, nëpërmjet realizimit të projektit të tij bamirës për ndërtimin e banesave të reja të familjeve në Thumanë që humbën shtëpitë e tyre nga kjo fatkeqësi natyrore”, shkruan Meta.

Projekti i banesave është realizuar në kohë rekord nga Pacolli dhe pritet që të përfundojë realizimi i tyre shumë shpejt.