Si pasojë e një sulmi me armë zjarri brenda në një spital në Ostrava të Çekisë, kanë mbetur të vdekur 6 persona dhe janë plagosur disa të tjerë.
Policia është vënë në ndjekje të autorit të dyshuar dhe ka vendosur perimetrin e sigurisë.
Ngjarja raportohet se ka ndodhur orët e para të mëngjesit të së martës, në spitalin Universitar Ostrava në verilindje të vendit.
Ende nuk dihen arsyet qe e kanë shtyrë autorin të kryejë këtë sulm të rëndë, ndërkohë që policia ka publikuar edhe një foto të të dyshuarit.
Nga ana tjetër banorëve u është kërkuar që të qëndrojnë brenda në banesa.
Mësohet se të plagosurit janë në gjendje të rëndë shëndetësore.
Lajmi është konfirmuar dhe nga kryeministri Andrej Babis dhe raportohet se të shtënat kanë ndodhur në repartin e traumës.
