Moti i keq dhe stuhitë orët e fundit kanë shkaktuar mjaft dëme në Greqi orët e fundit.
Mësohet se shkollat në rajonin e Attika do të qëndrojnë të mbyllura pas këtyre problemeve të shfaqura nga një stuhi.
Madje kjo situatë aspak e zakontë ka sjellë dhe vdekjen e dy personave në Antirrio, në zonën e Greqisë Perëndimore.
Të dy krahët e autostradës Athinë-Korinth afër Elifsina janë bllokuar nga shirat e rrëmbyer dhe pirgjet e dherave dhe mbeturinave.
Dy trupa të pajetë janë nxjerrë nga punëtorët e shpëtimit në Antirrio, të cilët ndodheshin në një varkë të vogël që u përmbys.
Mediat greke shkruajnë se thuajse e gjithë Greqia është përfshirë nga një stuhi e madhe që ka përmbytur rrugë, shtëpi janë zhytur në ujë dhe zjarrëfikësit po shpëtojnë njerëzit që kanë mbetur brenda në banesa.
Probleme të mëdha kanë çuar në mbylljen e autostradës Athinë-Korinth, ku deti u fry dhe arriti të futet deri në rrugët e qytetit. Autoritetet evakuan shtëpitë në plazhe.
Autostrada Athinë Korint është mbyllur dhe ka bërë që trafiku të ndalet. Rrëshqitje të mëdha dheu kanë ndodhur.
