Një takim i rëndësishëm u zhvillua sot mes presidentit Ilir Meta dhe ish-kryeministrit Sali Berisha.
Pas 30 minutave në zyrën e Metës, Berisha i ndodhur aty në cilësinë e ish-presidentit për të vijuar turin e konsultave që kreu i shtetit ka nisur në kuadër të krizës ku ndodhet vendi, është larguar më pas ku ka dhënë dhe prononcimin e tij përpara gazetarëve.
Por ajo që u vu re ndryshe nga herët e tjera është pritja që i bëri personalisht presidenti Ilir Meta Berishës dhe gjithashtu e përcolli edhe te dera e jashtmë ku janë fotografuar edhe nga mediat.
Meta nuk ka ngurruar të bëjë dhe një batutë pikante përpara gazetarëve: Sipas traditës se malësorëve, e prita vetë mikun dhe e përcolla deri tek dera.
