Agim Kajmaku nuk ndalet edhe në arrati, ja kërkesa që i ka bërë gjykatës

Edhe pse në kërkim nga policia prej disa ditësh dhe nuk dihet asgjë për venndodhjen e tij, ish-kryetari i Bashkisë së Vorës Agim Kajmaku ka apeluar masën e sigurisë “arrest me burg” që Gjykata e Tiranës ka dhënë ndaj tij në mungesë në seancën e 11 nëntorit.

Burimet bëjnë me dije se ka qenë avokati i tij, i cili ka dorëzuar kërkesën për ndryshimin e masës së sigurisë në Gjykatën e Apelit.

Pasi shkeli ligjin e dekriminalizimit, Agim Kajmaku u shkarkua nga Komisioni Qendror i Zgjedhjeve.

Por edhe pse nuk është përballur ende me organet e drejtësisë për të dhënë shpjegime ai vijon të kërkojë lirinë.

Kajmaku akuzohet për veprat penale “Shpërdorim detyre”, “Falsifikimi i formularëve”, “Ushtrimi i funksioneve pas dhënies fund të detyrës”, pasi pas vendimit të KQZ, ai ka shkarkuar nga detyra dy nënkryetarët e bashkisë, megjithëse edhe vetë ishte zyrtarisht i shkarkuar si titullar i Bashkisë Vorë

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia ende vijon kërkimet për gjetjen e tij për të ekzekutuar masën e sigurisë por deri tani nuk dihet asgjë për vendndodhjen e Agim Kajmakut.