LIGJET E BIZNESIT
Struktura e borxhit të familjeve shqiptare është shumë e ndryshme, që nga kredia bankare deri te tregjet informale, overdrafti dhe të ashtuquajturat lista në dyqane, ku familjet konsumojnë mallra pa mundur t’i paguajnë në kohë.
Një anketë e Bankës së Shqipërisë te 2010 familje, e shtrirë në të gjithë vendin, ka evidentuar se 24% e familjeve kanë një ose më shumë se një hua për të shlyer. Ndërsa 19% e familjeve borxhlie kanë deklaruar se borxhin e kanë ndaj njësive të shitjes me pakicë, teksa kanë konsumuar mallra dhe nuk kanë mundur t’i shlyejnë në kohë. Njësitë e pakicës, sidomos ato që tregtojnë produktet e shportës, disponojnë fletoren e listës, ku shënojnë familjet që marrin produkte kundrejt pagesave të mëvonshme.
Banka e Shqipërisë vlerëson se në familjet huamarrëse, peshë të konsiderueshme vijon të ketë zëri ‘mall i papaguar’ (19% e rasteve të huamarrjes), por në rënie graduale gjatë tre periudhave të fundit.
Në totalin e familjeve borxhlie në rreth 37% të rasteve të raportuara, huamarrja e familjeve rezulton në formën e ‘kredisë nga institucione financiare’, ku 32% e rasteve janë në trajtë ‘kredie’ dhe 5% janë në trajtë ‘kartash krediti dhe overdraft’. Kjo peshë ka shënuar rritje me rreth 7 pikë përqindje krahasuar me 6-mujorin e kaluar dhe ka mbetur pothuaj e pandryshuar krahasuar me një vit më parë
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
