Gratë e Unazës së Re refuzojnë të falin ambasadorin e OSBE/ Të shpallet ‘non grata’

Pas ndjesës së ambasadorit të OSBE në Tiranë Bernd Borschardt, kanë reaguar dhe gratë e Unazës së Re që protestojnë prej rreth një viti.

Të vendosura pranë Gjykatës, në pritje të vendimit për tre prej protestuesve të arrestuar të Unazës së Re, gratë deklaruan për gazetarin Erjon Skëndaj se nuk e falin ambasadorin dhe madje kërkuan shpalljen e tij ‘non grata’.

“Ambasadori i OSBE është person publik, përfaqësues i OSBE. Kur e bën ambasadori i OSBE çfarë mund të bëjë një person tjetër. Nuk e falim, do bëjmë peticion që të shpallet ‘non grata’. Gratë të reagojnë se janë diskriminuar. Edhe Presidentit i bëj thirrje publikisht në emër të grave të Unazës së Re që Borschardt të shpallet non grata. Nuk vlen falja e tij, sepse sjellja është në vazhdimësi.
Ne nuk e shamë, thamë Rama ik. Nuk kemi nevojë për ndjesën e tij, ai të zhduket nga Shqipëria”, u shprehën ato.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern