Dëshmia e fierakes çon në pranga një person dhe shpall në kërkim tre të tjerë

Disa orë pasi policia goditi një bandë kriminale të trafikimit të femrave drejt vendeve të Bashkimit Evropian, të cilët kishin dhunuar një 30-vjeçare nga Fieri, duke e detyruar të pranonte të shfrytëzohej për prostitucion në Itali, e reja nga Fieri ka dhënë dëshminë e saj.

Policia ka dyshuar në thëniet e 30-vjeçares në Rinas për qëllimin e lëvizjes drejt Italisë dhe menjëherë kanë bërë bllokimin e saj, duke njoftuar Seksionin për Hetimin e Trafiqeve të Paligjshme në DVP Tiranë, që ka nisur lëvizjet, duke zbuluar gjithë grupin.

”Nga hetimet rezultoi se shtetasi i arrestuar në bashkëpunim me shtetasit A. Ç., R. Xh., dhe K. Q., nëpërmjet përdorimit të dhunës kishin detyruar 30-vjeçaren që ajo të pranonte të shfrytëzohej për prostitucion në Itali dhe këta shtetas mbrëmjen e djeshme kishin organizuar trafikimin e saj nëpërmjet aeroporit të Rinasit.Materialet i kaluan Prokurorisë pranë Gjykatës së Shkallës së Parë për Krimet e Rënda Tiranë, për veprime të mëtejshme hetimore për veprat penale të “Trafkim i personave të rritur” dhe “Shfrytëzimi i prostitucionit kryer në bashkëpunim”, mbyllet postimi i policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern