LIGJET E BIZNESIT
Kryetari i Partisë Demokratike Lulzim Basha pas përfundimit të takimit me aleatët e tij mëngjesin e sotëm në selinë blu, iu drejtua kryeministrit Rama përmes një mesazhi të shkurtër përpara gazetarëve duke u shprehur se nëse Rama nuk e zbaton planin e PD me 5 pika për Reformën Zgjedhore, do ishte më mirë të ‘hapte krahun’.
Pas kësaj deklarate të Bashës ka ardhur dhe reagimi i Ramës në konferencën ku shpalosi vendimet e Këshillit të Ministrave për situatën pas tërmetit të fuqishëm 5.8 ballë të 21 shtatorit, duke u shprehur se do të ishte njësoj sikur një karrocë me kalë ti thotë trenit të ndalojë.
“Unë mendoj që nuk është e rëndësishme të harxhojmë kohën e njëri tjetrit dhe të njerëzve me këtë procesin ai tha po ti si thua pastaj do shkoni te ai do i thoni ai tha ashtu. Më mirë merremi me njerëzit me problemet reale. Tërmetet artificiale unë kam në dorë ti krijoj, por jo ti parandaloj.
Tërmetet natyrale largqoftë askush nga ne si ndalon dot, ajo që kemi në dorë është të bëjme cfarë kemi në dorë. Keshtuqë është njësoj si një karrocë me kalë ti thotë një treni hap krahun. Mirupafshim”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
