Për 6 orë 12 tërmete. Lëkundjet sizmike që tronditën Shqipërinë

Shqipëria u trondit ditën e sotme nga 13 tërmete. Më i forti u shënua pak pas orës 16.00 me magnitudë 5.8 të shkallës Rihter dhe u shoqërua nga një tjetër luhatje e fortë sizmike me magnitudë 5.6 të shkallës Rihter. Pas këtyre dy tërmete, 11 luhatje të tjera u shënuan në të gjithë vendin.

Tërmetet kanë shkaktuar dëme në 109 banesa dhe 7 pallate kryesisht në Tiranë dhe Durrës, dy qytetet që ishin dhe më pranë epiqendrës, në Detin Adriatik, 30 kilometra.

Lëkundja e fundit është në orën 22:00 me epiqendër, 7 km në veri të Durrësit ose 32 km nga Tirana. Tërmeti ka qenë me magnitudë 3.2 të shkallës Rihter.

Siç pasqyron IGJEUM, sinjali i parë i tërmeteve është dhënë në orën 09:37 të mëngjesit të së shtunës, me një lëkundje 3.2 ballë.

Ora 16:00 e mesditës do të shënonte kulmin me 5.8 ballë. Lëkundja e fortë e tërmetit është sipas sismiologëve më i madhi i regjistruar në 30 vitet e fundit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern