Pas Pjetrit dhe Kajmakut, PD bën gati DOSJEN e radhës për një kreybashkiak që fitoi në 30 qershor

Partia Demokaratike këto muaj post 30 qershor duket se armën e fortë kundër Mazhorancës ka gjetur dosjen implikuese për kryebashkiakët e rinj. Pas Valdrin Pjetrit që u “dogj” dhe Agim Kajmakut që është ende në dorën e prokurorisë, e cila po bën verifikimet e akuzave të PD, radhën e ka një tjetër kryebashkiak.

Bëhet fjalë për Mark Babani, i cili u zgjodh kryebashkiak i Vaut të Dejës. Babani vjen nga bota e biznesit dhe ndryshe është konsideruar si “biznesmeni i peshkut”.

Burime konfidenciale nga Partia Demokratike bëjnë me dije dosja e radhës që pritet të hapet do të jetë pikërisht për Babanin. Mësohet se kryebashkiaku i Vaut të Dejës ka një dosje penale jo aq të pastër sa e ka deklaruar dhe nuk i ka deklaruar të gjithë në formularin e dekriminalizmit.

Ai dyshohet se ka pasur disa probleme me drejtësinë në Itali dhe Maqedoni. Nuk specifikohet nëse këto probleme lidhen me aktivitetin e tij si biznesmen në fushën e peshkut, apo ndonjë gjë akoma dhe më e rëndë.

Ashtu sicc ka ndodhur në rastet e para, pritet që brenda ditësh gjatë muajit shtator do të bëhen publike dokumentet të cilat e faktojnë se Babani ka gënjyer në deklaratën e dekriminalizimit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Se sa të forta do të jenë këto dokumente që disponon PD dhe a do e rrëzojnë ato Babanin, nuk dihet, por e sigurt do të jetë që për Mazhorancën dhe kreun e PS, Rama do të shtohen “dhimbjet e kokës”.

Mark Babani njihet gjerësisht si një njeri i Tom Doshit. Gjatë fushatës ai ka pasur mbështetjen e plotë të Doshit dhe madje në prezantimin e tij të parë në publik, Babani do të falënderonte publikisht Tom Doshin për mbështetjen e dhënë për të si kryetari i bashkisë së Vaut të Dejës./Fast News Albania