‘Opozita e re’ bën lëvizjen e papritur, padi në Prokurori për koncensionet e dy rrugëve (DOKUMENTI)

Grupi parlamentar Demokrat i është drejtuar sot Prokurorisë me një kallëzim për PPP-të e rrugëve Orikum-Dukat dhe Milot-Balldren.

Sipas kallëzimit të bërë nga deputetët, organit të akuzës i kërkohet “fillimi i procedimit penal në funksion të veprave penale të parashikuara nga neni 258 i Kodit Penal “Shkelje e barazisë në tendera” dhe nenit 248 i  Kodit Rrugor Shqiptar, Autoriteti kontraktor deri tek vendimarrje e Këshillit të Ministrave lidhur me shkeljet penale të konstatuara që kanë të bëjnë me PPP për segmentin rrugor “Porti i Jahteve- By Pas- Orikum- Dukat dhe PPP për segmentin rrugor Milot-Balldren”. 

Deputeti Halit Valteri bëri dorëzimin e kallëzimit dhe theksoi se përmes tij synohet të veprojë drejtësia dhe të ndëshkohen grabitësit.

Pak ditë më parë Rudina Hajdari paralajmëroi se grupi i saj parlamentar do të depozitonte një kallzim penal në prokurori lidhur me PPP për dy projektet e rrugëve Milot-Balldren dhe Orikum-Dukat, por ajo sqaroi se kjo do të ndodhte kur të ngrihej SPAK.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern