Ministrja Shahini bën paralajmërimin e fortë për mësuesit: Nga 9 shtatori do kryejmë ‘inspektime’ të rastësishme në shkolla (VIDEO)

Ditën e sotme me anë të një video mesazhi ministrja e Arsimit Besa Shahini ka komunikuar se do të ketë inspektime të rastësishme në të gjithë shkollat e vendit.

Ministrja ka paralajmëruar se kontrollet do të fillojnë nga data 9 shtator në afro 240 prej tyre.

“Duke filluar nga data 9 shtator, në afro 240 shkolla të vendit do të zhvillohen “inspektime të rastësishme” në mënyrë që të sigurohemi se të gjithë mësuesit dhe infrastruktura në shkolla janë aty ku duhet për të nisur me këmbë të mbarë vitin e ri shkollor”, shpegon Shahini.

“Do shohim gjithçka nga klasat, shpërndarja e regjistrave dhe duhet të jemi gati për në 16 shtator”, ka vijuar sqarimin e saj ministrja.