LIGJET E BIZNESIT
Del bilanci paraprak i dëmeve që kanë shkaktuar tërmetet ditën e sotme. Ministrja e Mbrojtjes Olta Xhaçka ka dhënë detaje para mediave për situatën në terren.
Sipas saj, tërmeti ka rënë në 16.05 me magnitudë 5.8 të shkallës Richter, me intensitet 7-8 ballë në epiqendër, me goditjen kryesore që është pasuar nga lëkundje me magnitudë më të ulët.
“Sipas informacioneve paraprake, raportohet për 68 persona të lënduar lehtë, që janë kthyer në shtëpi pasi janë trajtuar nga stafi mjekësor. Tërmeti ka shkaktuar dëme materiale në Durrës dhe Tiranë, por janë kryesisht krisje në mure, edhe pse serioziteti i dëmtimeve do të verifikohet nga grupet e ekspertëve në terren”, u shpreh ministrja.
Sipas bilancit të bërë nga ky dikaster, në qarkun e Tiranës ka pasur 46 banesa të dëmtuar si dhe 3 pallate, kryesisht në zonat e Astirit, Dajtit, Kasharit, Komunës të Parisit, Zall Herrit, dhe Njësive 2 dhe 6.
Në Qarkun Durrës, ka dëme në 4 pallate dhe 42 banesa, kryesisht të vjetra. Në Librazhd, janë dëmtuar 7 banesa, ndërkohë në Dibër, pikërisht në Xibër 4 banesa janë dëmtuar 4 banesa, ndërsa njëra u rrënua plotësisht.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në Qarkun e Beratit raportohet paraprakisht vetëm për një banesë të prekur nga lëkundjet, në Lezhë banesat janë 4, ndërsa në Fier evidentohen për momentin 4 banesa të dëmtuara në Lushnje dhe Fier Shegan, ndërkohë që nuk regjistrohen dëme në puset e naftës.
