LIGJET E BIZNESIT
Vijon konferenca e ish-ministrit të Brendshëm Saimir Tahiri përballë gazetarëve.
Ndër të tjera Tahiri si kurrë më parë ka pranuar dhe një gabim të madh që ka bërë në kohën kur ishte ministër.
Ai u shpreh se gabimi më i madh që ka bërë është se ka thënë publikisht se sa shumë kanabis mbillej në Shqipëri, dhe e ka thënë këtë publikisht.
Më tej ish-ministri shtoi se ishte në dijeni të faktit që sa më shumë do e luftonte këtë fenomen aq më shumë do akuzohej.
“Një shprehje thotë që gënjeshtra bën xhiron e botës, teksa e vërteta s’ka veshur ende këpucët. Mesa u lexua në sallë, kuptova se lidhej me faktin se kushërinjtë e mi kishin përmendur emrin tim dhe se unë s’kam luftuar aq sa duhet kanabisin. Sepse ministri i Brendshëm i ka të qarta detyrat, dhe mezi pres të shoh ligjin që kam shkelur. Vendimi i gjykatës në kulturën time s’komentohet por vetëm ankimohet. Dhe unë sigurisht që do e ankimoj. Drejtësinë e kam pritur 2 vite, dhe s’është bërë kurrë siç doja unë. Se kam tradhtuar kurrë detyrën që mu besua. E kam bërë me shumë pasion, bashkë me ekipin që punonte me mua. E shndërruam MPB në institucionin më të besuar për qytetarët. Luftuam krimin dhe ata që e lejuan më akuzojnë sot mua. Kush mendon se para se të merrja unë detyrën kanabis kishte vetëm në Lazarat, gabohet rëndë. Bëra gabimin tim më të madh që thashë sesa shumë mbillej kanabis në Shqipëri, dhe e thashë publikisht. E dija, se sa më shumë t’a luftoja, aq më shumë do akuzohesha.” , tha ish-ministri gjatë fjalës së tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
