Sizmiologu i IGJEUM: Banorët të kthehen në shtëpi, nuk ka vend për panik

Pas lajmit të rremë për një tërmet me magnitudë 6 që do të godiste vendin kanë reaguar në një konferencë për shtyp ministrja e Mbrojtjes, Olta Xhaçka, drejtori i Emergjencave Civile, Haki Cako dhe sizmiologu i IGJEUM, Llambro Duni. Ky i fundit ka apeluar qytetarët që të rikthehen në banesa, pasi situata po shkon drejt stabilizimit.

“Instituti i Gjeo -Shkencave është duke monitoruar situatën, nuk ka vend për panik. Është alarm i rremë. Bëhet fjalë për post-goditje, diçka normale për një tërmet me magnitudë 5.9. Tërmetet nuk janë të parashikueshëm. Qytetarët të kthehen në banesa.  Situata po shkon drejt normalizimit”, deklaroi Duni.

Lajmi i rremë për tërmet të fortë, mijëra njerëz në rrugë

Pas lajmit të rremë të shpërndarë në disa portale dhe në rrjetet sociale se në orën 23.30 do të binte një tërmet me magnitudë 6, me mijëra qytetarë kanë lënë banesat e tyre dhe kanë dalë në rrugë. Paniku ka përfshirë edhe drejtuesit e mjeteve. Qarkullimi është bllokuar në disa zona të Tiranës, si tek rrethrrotullimi i TEG-ut, siç duket edhe nga fotot.

Sizmiologët apelojnë për qetësi, pasi tërmetet nuk mund të parashikohen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern