LIGJET E BIZNESIT
Një operacion i madh i policisë shqiptare në bashkëpunim me partnerët europian është përmbyllur këtë të mërkurë. 42, janë personat e arrestuar në operacionin masiv policor të shtrirë në Shqipëri dhe gjashtë shtete të Bashkimit Europian. Mësohet se në vendin tonë është vënë në pranga në Shkodër një 51-vjeçar, me inicialet A.B. i cili konsiderohet si kreu i grupit kriminal.
Operacioni ndërkombëtar i koduar “Goldfinger”, është organizuar nga EUROPOL, në Danimarkë, por është shtrirë edhe në Suedi, Gjermani, Belgjikë, Holandë, Slloveni dhe Shqipëri, duke pasur bashkëpunimin me këto polici.
Policia ka shpallur në kërkim edhe një person tjetër në Shqipëri, por për arsye hetimi nuk bëhen të ditura gjeneralitetet e tij. Përmes veprimeve hetimore në të gjitha shtetet e lartpërmendura është dokumentuar se ky grup kriminal ka trafikuar mbi 1 mijë 650 kg kokainë dhe heroinë brenda vendeve të BE-së.
Janë sekuestruar 40 kg kokainë, u kontrolluan me dhjetëra ambiente, u sekuestruan mbi 600 mijë euro, arme zjarri, granata, disa automjete dhe objekte te ndryshme, etj.
“Në Shqipëri gjatë fazës operacionale u përfshinë Drejtoria Hetimore Qendrore në Departamentin e Policisë Kriminale, Drejtoria Vendore e Policisë Shkodër, Tiranë dhe Korçë, ku në bashkëpunim me Prokurorinë e Krimeve të Rënda, mëngjesin e sotëm në Shkodër, u bë arrestimi i shtetasit A. B., 51 vjeç, banues në Shkodër, me rol aktiv (kryetar i grupit kriminal), për veprat penale: “Pastrimi i produkteve të veprës penale ose veprimtarisë kriminale”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”. U shpall në kërkim një shtetas tjetër, por për arsye hetimi, nuk bëhen të ditura gjeneralitetet”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në Shqipëri gjatë operacionit u sekuestruan rreth 200 mijë euro, 10 milion lekë, 7 automjete, 1 biznes me vlerë investimi mbi 1 milion euro.
