LIGJET E BIZNESIT
U ‘fundos’ nga ADN e gjetur në automjetin e përdorur për vrasjen e ish-policit, Arben Bilali në Tiranë, por Gjergj Cukali nuk është emër i panjohur për drejtësinë shqiptare. Cukali, njihet ndryshe edhe si i ‘forti’ i Myslim Shyrit.
Ai ka qenë i përfshirë në disa ngjarje dhe vrasje të bujshme, si dhe arrestuar disa herë për shpërndarje dhe trafikim të lëndëve narkotike. Cukali, njihet ndryshe edhe si anëtar i bandës së rrugës “Myslym Shyri”.
Është bërë e njohur në rrugën e krimit me pengmarrjen e Fatjon Demrilikës në vitin 2004, si dhe për vrasjen e pengut Klajdi Prenga në muajin gusht. Kjo bandë është e përbërë nga djem, të cilët banojnë në rrugën “Myslym Shyri”. Ilir Kodumi, Ledio Lito, Gjergj Cukali, Eduart Skukaj si dhe Florina Metalla.
ARRESTIMI
“Sektori i Hetimit të Krimeve Ndaj Jetës dhe Pronës, në D.V.P.Tiranë, në bashkëpunim me Prokurorinë e Rrethit Gjyqësor Tiranë, në lidhje me ngjarjen e ndodhur në datë 30.01.2019, ku në rrugën ‘’Isuf Banka’’ në Tiranë, është vrarë me armë zjarri shtetasi A.B., 50 vjeç, pas një pune të mirëorganizuar është arritur të bëhet zbulimi dhe dokumentimi ligjor i kësaj ngjarje, ku është bërë kapja dhe ndalimi i autorit të dyshuar:
Gj. C., 40 vjeç, lindur dhe banues në Tiranë, i dënuar më parë për veprat penale të “Prodhimi dhe shitja e narkotikëve’”, “Armëmbajtja pa leje” dhe “Rrëmbim personi”
Materialet në ngarkim të shtetasit Gj. C., iu referuan Prokurorisë së Rrethit Gjyqësor Tiranë, për veprat penale penale “Vrasje me paramendim e kryer në bashkëpunim” dhe “Prodhim dhe mbajtje pa leje te armeve luftarake”, njoftoi policia./ Balkanweb
