Rama tallet me Haradinajn: Sa pa dalë Facebook, budallain e njihte vetëm shtëpia e vet

Ka vijuar edhe ditën e sotme përplasja në distancë mes kryeministrave të Kosovës dhe Shqipërisë. Deklaratave të Haradinajt, se ai bashkë me presidentin Thaçi dhe presidentin serb, Vuçiç kishin folur për copëtimin e Kosovës, Rama nuk e ka kursyer ironinë.

Duke folur në konferencën për shtyp bashkë me Federika Mogerinin, Rama ka ironizuar me Haradinajn, duke thënë në botën që jetojnë lajmi i rremë përhapet shumë shpejt.

“Për sa i përket komplotit për të copëtuar Kosovën dhe krijuar në mënyrë të fshehtë një hartë të re të botës, më kujton atë shprehjen “sa pa dalë Facebook, budallain e njihte vetëm shtëpia e vet”. Sot jetojmë në një botë që nga kjo pikëpamje është fatkeqe dhe porosia e një manuali të agjitacionit nazist që thoshte “nëse do që gënjeshtrën tënde ta besojnë, bëje të pabesueshme”, është në përdorim të përditshëm për të goditur kundërshtarë e për të sulmuar njerëz”, u shpreh Kryeministri.