Një ditë më parë kryeministri Edi Rama publikoi në Instagram fotografinë një bluze ku mbante të stampuar numrin 30. Kjo ishte një simbolikë për të përforcuar idenë se zgjedhjet do të zhvillohen në 30 qershor.
Por si për rastësi, i njëjti numër që publikoi dje kryeministri Rama qëlloi edhe në shorin e hedhur nga Komisioni Qendror i Zgjedhjeve për renditjen e partive për zgjedhjet vendore të 30 qershorit.
KQZ në mbledhjen e sotme pas hedhjes së shorit me gogla vendosi që Partia Socialiste të renditej e 30 në fletën e votimit.
Kësisoj kryeministri s’do të ketë nevojë të ndryshojë as foton që publikoi 24 orë përpara se sa të hidhej shorti në KQZ.
Vallë të jetë kjo një rastësi dhe kryeministri ta ketë parashikuar, apo çdo gjë ka qenë e planifikuar?
