Një foto ngre shumë dyshime, Partizani kërkon t’i ‘rrëmbejë’ Tiranës sulmuesin

Partizani, si ekipi kampion do të luaj në eliminatoret e Ligës së Kampionëve dhe për të kanë filluar të përfliten emrat e parë që do të afrohen. Një nga emrat që është parë më pranë “demave të kuq” është anglezi i Tiranës, Majkëll Ngo.

Ajo që duket se ka ndezur atmosferën ishte një foto e sulmuesit bardheblu në rrjetet sociale. Është agjenti i tij, Mario Cenolli, i cili poston foton bashkë me Ngo, dhe një nga zyrtarët më të lartë të Partizanit, Geri Burba.

Mund të ketë qenë një darkë miqësore dhe pa asnjë prapaskenë merkatoje edhe pse shumë e vështirë për ta besuar një gjë të tillë. Ngo është një emër i lakuar edhe më herët për të kaluar të Partizani. Një kalim i mundshëm i Ngo te Partizani do të hapte një tjetër polemikë mes këtyre dy tifozerive.