Ish-deputeti i PD shpëton kalimtaren që u përplas nga makina në autostradë (VIDEO)

Ish-deputeti i PD-së, Bardh Spahia është shndërruar në “shpëtimtarin” e një të reje, duke i dhënë ndihmën e parë mjekësore pasi u përplas nga një mjet në aksin Lezhë- Shkodër.

Së bashku me demokratë nga Shkodra, Spahia po i drejtohej Tiranës, për t’iu bashkuar protestës. E reja identiteti i së cilës nuk dihet ende është përplasur nga një automjet, drejtuesi i së cilit u largua me shpejtësi nga vendi i ngjarjes, duke e lënë atë të shtrinë në mes të rrugës, shkruan shqiptarja.com

Bardhi, i cili është diplomuar si mjek i përgjithshëm i ka dhënë ndihmën e parë, deri sa ka mbërritur ambulanca dhe e ka dërguar atë në spital.