Protesta e radhës e opozitës, ja kur do të zhvillohet

11 maji është data, kur do të zhvillohet protesta e radhës e opozitës. Ajo do të mbahet pasdite, në ora 18.30, siç ndodhi edhe në protestën e fundit. Ky është vendimi i marrë nga Kolegji i Kryetarëve, i thirrur sot nga kreu i Partisë Demokratike, Lulzim Basha.

Ndërkohë, të martën pritet edhe firmosja e marrëveshjes së PD-së me aleatët, pas diskutimit të propozimeve dhe alternativave për ecurinë e mëtejshme të agjendës politike të opozitës.

Më herët për median, aleatët e Partisë Demokratike paralajmëruan se në vend do të ketë trazira në ditët që paraprijnë zgjedhjet vendore, nëse nuk plotësohet kushti i vënë nga opozita për zgjedhje të lira dhe qeveri tranzitore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern