LIGJET E BIZNESIT
Harrojeni rivalitetin e madh Messi-Ronaldo për një moment. Shijoni një tjetër gjeni të futbollit, që i ka rezistuar me madhështinë e vet kohës.
Tashmë janë publikuar sekuencat e para të filmit mbi Diego Maradonën, i cili do të shfaqet në Festivalin e Filmit në Kanë, fillimisht, pastaj do të transmetohet edhe nëpër kinema prej 31 korrikut 2019.
Duke e ideuar si një dokumentar mbi “Dorën e Zotit”, regjisori Asif Kapadia ka punuar mbi më shumë se 500 orë filmime mbi jetën dhe karrierën e legjendës argjentinase të futbollit. Filmi nis me momentet e suksesshme e të trazuara të tij te Napoli (Itali) në vitet 80-të. Ja trajleri i “Diego Maradona”, me pamje të pabotuara më parë:
“Kjo është historia e egër dhe e paharrueshme e një talenti hyjnor, plot lavdi, dëshpërim dhe tradhti, korrupsion dhe në fund drogë”, – shpjegohet në promovimin paraprak të filmit të shumëpritur.
Në të evidentohet talenti i veçantë i Maradonës dhe fama e hershme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë se edhe më parë janë bërë dokumentarë rreth “El Pibe D’Oro”, si “Maradona nga Kusturica” (2008), “Amando Maradona” (2005) dhe “Maradona konfidencial” (2018).
Marre nga TPZ.
