FOTOT/ Fotoreporteri i njohur rrëfen kush e dhunoi në protestë

Flet fotoreporteri Arben Dajçi pas lëndimit në protestën e së shtunës ku u shfaq i gjakosur.

Dajçi ka bërë përgjegjës personat e infiltruar si shkaktarë të rrëmujës e akteve të dhunës ndërsa ka pohuar se pas incidentit shumë miq i kanë telefonuar dhe i kanë qëndruar pranë.

Ai u shpreh se u dhunua nga Policia gjatë momentit që ai ndodhej mes turmës.

”Në momentin që u godita isha mes turmës dhe policisë. Nuk i ndjeva, vetëm kur më thanë shokët je gjakosur. Goditja ishte nga ana e Policisë. Ishte aq e shpejtë goditja sa nuk u arrit as të filmohej.” tha Dajçi.

I pyetur nga FaxNews nëse do vazhdojë të dalë në protestat e opozitës, Dajçi tha:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Do dal padiskutim. Unë jam një nga demokratët e parë, jam familje demokratësh dhe nuk i hedh dot poshtë se kam vuajtur gjithë jetën”.

Dajçi merr pjesë në protestat e opozitës si demokrat në bindje dhe si fotoreporter për të kryer punën e tij që të paraqesë realitetin.