Çfarë po ndodh? Hiqen gjatë natës gërmat e Teatrit Kombëtar

Aleanca për Mbrojtjen e Teatrit ka denoncuar përmes një postimi në facebook, se gjatë natës janë hequr gërmat nga godina e Teatrit Kombëtar.

Ky veprim ka ardhur 9 muaj nga votimi në parlament i ligjit që i hap rrugë shembjes së Teatrit Kombëtar.

Ndërkohë, artistë dhe qytetarë vijojnë protestën e tyre simbolike, me shpresën do të arrijnë që të shpëtojnë godinën e vjetër, që sipas tyre është një pasuri për kujtesën qytetare.

Postimi i Aleancës për Mbrojtjen e Teatrit

Godinës së Teatrit Kombëtar sot natën, si hajdutë ordinerë, i kanë zhveshur gërmat.
Është turp dhe mjerim i madh që jemi katandisur të qeverisemi nga njerëz që pronën publike dhe pasuritë kombëtare i shohin veç si mall që duhet grabitur në funksion të pasurisë së tyre.
Turp!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern