Kryebashkiaku Veliaj njoftoi se festimet e Ditës së Verës do të zhvillohen të dielën, në 17 Mars, pasi në datën 14 Mars parashikohet mot i ftohtë dhe me shi.
Por 14 marsi ka ardhur dhe nuk ka rënë asnjë pikë shiu deri në mesditë, mdaje qytetarë të shumtë kanë dalë dhe kanë festuar pavarëshisht njoftimit të Veliajt.
Shtyrja e fesimeve është kritukuar edhe nga Grupi i Këshilltarëve të LSI në Bashkinë e Tiranës, të cilët nuk janë përmbajtur në deklaratat kundër Kreut të Bashkisë, Erion Veliaj, për shtyrjen e kësaj feste për në datën 17 mars.
Sipas Grupit të Këshilltarëve të LSI-së, shtyrja e festës nga Veliaj është komplet absurde dhe në kundërshtim me ligjin. Ndër të tjera në deklaratën e saj Grupi i Këshilltarëve të LSI-së shprehet se:
“Qytetarët e Tiranës ishin sot dëshmitarë se asnjë pikë shiu nuk ra në qytetin tonë, dhe e vetmja arsye e vërtetë e shtyrjes absurde të festimeve, është paniku nga protesta e madhe e shqiptarëve në 16 Mars që do vërshojë si urugan i pakënaqësisë popullore në sheshet dhe rrugët e Tiranës.”
Sipas tyre, asnjë manovër politike nuk mund të ndalojë shpirtin e lirë të popullit t’i jap rëndësi zhvillimit të Kombit.
Deklarata e plotë:
Grupi i Këshilltarëve të LSI në Bashkinë e Tiranës duke uruar sot të gjithë qytetarët për ditën e Verës për më shumë mbarësi, paqe dhe mirësi në jetën e tyre, shpreh reagimin e tij për shtyrjen e pakuptimtë dhe pa asnjë motiv real meteorologjik, të festimeve të kësaj dite nga ana e Kryetarit Erion Veliaj.
Por përveç se absurde, kjo shtyrje bie ndesh me Ligjin Nr. 7651 Neni 1 pika g, për festat dhe ditët përkujtimore, të cilat nuk mund ti ndryshojë askush.
Qytetarët e Tiranës ishin sot dëshmitarë se asnjë pikë shiu nuk ra në qytetin tonë, dhe e vetmja arsye e vërtetë e shtyrjes absurde te festimeve, është paniku nga protesta e madhe e shqiptarëve në 16 Mars që do vërshojë si urugan i pakënaqësisë popullore në sheshet dhe rrugët e Tiranës.
Historia e afërt dhe e largët e këtij qyteti, ka treguar se asnjë manovër politike, nuk mund të ndalojë shpirtin e lirë të popullit të Tiranës për ta vendosur kryeqytetin tonë në themel të çdo lëvizje për ndryshim dhe prosperioritet në momentet e zhvillimeve më historike të kombit.
