Hapen qendrat e votimit në Tuz, mundësi historike për shqiptarët

Rreth orës 07:00 kanë nisur votimet në Tuz, ku banorët e komunës me shumicë të popullsisë shqiptare, po votojnë për kryetarin e ri, një mundësi historike kjo për shqiptarët.  Këto janë zgjedhjet e para vendore që kur qyteza mori statusin e Komunës, pasi më parë ka qenë pjesë e Podgoricës.

Kryetari i Komunës zgjidhet me shumicë të thjeshtë nga Këshilli Komunal njohur si Parlamenti i Tuzit, që në total ka 32 anëtarë.

Zgjedhjet në Tuz zhvillohen në një atmosferë jo shumë të qetë në Malin e Zi, pasi një ditë më parë, mijëra vetë protestuan në Podgoricë kundër Presidentit Gjukanovic, madje duke i bërë thirrje që të japë dorëheqjen deri më 15 mars.

Pikat e votimit do të qëndrojnë të hapura deri në orën 20:00.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern