PS seancë pasdite, Balla: Do të merren vendime të rëndësishme për KLP dhe KLGJ

Pas protestës së paralajmëruar nga opozita, kreu i Grupit Parlamentar të PS-së, Taulant Balla në një deklaratë për media deklaroi në seancën e Kuvendit sot priten 2 vendime të rëndësishme që kanë të bëjnë me KLGJ dhe KLP”.

I pyetur për arsyet e zhvendosjes në kohë të seancës plenare, Balla nuk u përgjigj por njoftoi se e njëjta gjë do të ndodhë më 14 mars, për shkak të Ditës së Verës.

Duke iu referuar vizitës së delegacionit të Parlamentit Evropian që pritet nesër, Balla deklaroi se “Kolegët e PE janë të mirëseardhur, kemi mbështetje të Parlamentit Evropian në rrugën  e integrimit. Jemi në momentin e fillimit të procesit  e bisedimeve për anëtarësim në BE”.

Kreu i Grupit Parlamentar të PS-së,  shprehet se opozita  ka frikë nga krijimi i SPAK: “Sjella e opozitës anti-kushtetuese, kanë frikë nga SPAK”, ishin fjalët e Ballës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern