PD djeg mandatet, Rama mbledh të vetët

Një ditë pas protestës së opozitës në kryeqytet, Lulzim Basha doli në një deklaratë për mediat, ku bëri publik vendimin ekstrem që ka marrë. Basha tha se i ka propozuar grupit djegien e mandateve, si të vetmen rrugë për të larguar Edi Ramën, që sipas tij, është i lidhur me bandat e kriminelëve.

Por me sa duket ky vendim i papritur i kryedemokratit ka zënë në befasi dhe maxhorancën.

Ndonëse dje ministrja e Shtetit për Marrëdhëniet me parlamentin Elisa Spiropali bëri reagimin e parë, në të nuk flitej për ndonjë veprim pasues nga ana e maxhorancës.

Ndërkohë sot Kryeministri, Edi Rama ndodhet në Kryesinë e Kuvendit, ashtu si çdo të hënë. Rama do të zhvillojë një takim me ministrat dhe më pas do të mbledhë grupin parlamentar të Partisë Socialiste.

Nga ana tjetër edhe Partia Demokratike pritet të mbledhë sot grupin parlamentar për të diskutuar propozimin e kreut të saj, Lulzim Basha për djegien e mandateve.