Gara për SPAK, aplikon drejtuesja e Krimeve të Rënda, Donika Prela

Aplikimet për 15 vende në SPAK janë të hapura deri nesër. Ditën e sotme ka aplikuar për të qenë pjesë e Prokurorisë Speciale Antikorrupsion, Donika Prela, drejtuese e Prokurorisë së Krimeve të Rënda.

Prela është konfirmuar pak kohë më parë në detyrë, pasi kaloi vettingun pavarësisht akuzave  në drejtim të saj.

SPAK së bashku me Gjykatën speciale do të ketë si objektiv korrupsionin e zyrtarëve të lartë dhe krimin e organizuar.  Me ngritjen e Prokurorisë dhe Gjykatës speciale, hapet dhe rruga për krijimin e Byrosë kombëtare të hetimit, e cila do të funksionojë sipas modelit të FBI-së amerikane.