Abuzimi me tenderat/ Merret në pyetje Ylli Manjani

Ish ministri i Drejtësisë, Ylli Manjani është marrë në pyetje nga Prokuroria e Tiranës, lidhur me hetimet që prokuroria po kryen për abuzimet me tenderat e Ministrisë së Drejtësisë. Sakaq, burime kanë treguar ne ish-ministri ka qëndruar për dy orë në prokurori ditën e djeshme.

Disa javë më parë, u vunë nën masë sigurie, 11 zyrtarë të Ministrisë së Drejtësisë, pasi dyshimeve për abuzim me 5 tenderë të dhënë në periudhën 2016-2017.

Hetimet kanë zbuluar faktin se përmes shpërdorimit të detyrës, zyrtarët i kanë shkaktuar shtetit një dëm të madh financiar. Në fokusin e prokurorisë ishin funksionarët publikë që kanë qenë pjesë e njësive të prokurimit, komisioneve të vlerësimit të ofertave dhe komisioneve për mbikëqyrjen e zbatimit te kontratave. Tenderat janë zhvilluara në kohën kur Ministrinë e Drejtësisë e drejtuan Petrit Vasili dhe Ylli Manjani.